Кыайыы күнэ көлүөнэлэри ситимниир,  дойдубут хас биирдии  олохтооҕор улахан суолталаах, дириҥ өйдөбүллээх. Уоттаах сэрии толоонугар Ийэ дойдубутун саа-саадах тутан көмүскээбит хорсун-хоодуот салааттары, килбиэннээх үлэнэн тыылга кыайыыны уһансыбыт аҕа көлүөнэ дьону ахтар-саныыр, сүгүрүйэр сүдү күн.  Ыраас халлаан, эйэлээх олох иһин олохторун толук уурбут сэрии кыттыылаахтарын албан ааттара, хорсун быһыылара үйэлэргэ умнуллубат! Улуустааҕы киин библиотекаҕа  Кыайыы күнүгэр анаммыт улахан кинигэ быыстапкатыгар Аҕа дойду Улуу сэриитин историятын кэпсиир, сырдатар кинигэлэр,  Чурапчы  буойун суруйааччыларын  айымньылара, улуус нэһилиэктэрин сэрии кыттыылаахтарын туһунан кинигэлэрэ, буойун, учуутал,үйэтитээччи И.М.Павлов  үлэлэрэ, уус-уран айымньылар  турдулар. 

«Сэрии дуораана» анал таһаарыыга көрүҥ: Аҕа дойду сэриитин кыттыылааҕа Филиппов Николай Николаевич  (Хадаар нэһилиэгэ) ахтыыта 

Аҕа дойду сэриитин кыттыылааҕа Лазарев Семен Дмитриевич (Кытаанах нэһилиэгэ) 

Буойун, учуутал, үйэтитээччи Павлов Иван Михайлович үлэлэрин электроннай библиотекаҕа киирэн билсиҥ, ааҕыҥ.Сигэ: Чурапчинская межпоселенческая централизованная библиотечная система | Павлов Иван Михайлович (muzkult.ru)

 «Чурапчылар уоттаах сэрии сылларыгар” диэн Аҕа дойду сэриитигэр биир дойдулаахтарбыт туһунан викторинаҕа көхтөөхтүк  кыттаргытыгар  ыҥырабыт!Сигэ : https://forms.gle/AbVJsTUYNSUXXvuQ7