Улуустааҕы олоҥхо ыһыаҕа IV-c  төгүлүн Сылаҥ ытык сиригэр ыытыллынна.Е.А Борисов аатынан улуустааҕы киин библиотека «Чурапчы олоҥхолоро уонна олоҥхоһуттара» диэн арт-быыстапканан кытынныбыт. Чурапчы чулуу олоҥхоһуттарын үйэтиппит учуонай агроном В.Ф Ермолаев төрөөбүтэ 95 сылыгар анаан олоҕун кэпсиир улахан баннер уонна кини суруйан хаалларбыт рукописьтара дьон болҕомтотун тарта. Бу быыстапкаҕа сурукка-бичиккэ тиһиллэн киирбит олоҥхолоох 10 олоҥхоһут мэтириэттэрэ уонна кинигэлэрэ турдулар. Хас биирдии олоҥхоһут олоҕун уонна олоҥхотун туһунан сиһилии кэпсээтибит. Солун быыстапканы ыһыах дьоно- сэргэтэ сэргээн көрдүлэр, элбэх сэргиир ыйытыыларыгар хоруй ыллылар. Ол курдук, холобур  культуролог үөрэҕэр үөрэнэр эдэркээн устудьуон  Устинова, тыл үөрэхтээхтэрэ М.Е Филиппова, А.Н. Кузьмина, Амматтан сылдьар ыалдьыттарбыт, олоҥхо толорооччулар олус сэҥээрэн быыстапканы көрдүлэр, бэйэлэрэ эбии ситэрэн, кэпсээн сэргэхситтилэр.Ону таһынан Өрөспүүбүлүкэтээҕи норуот айымньытын дьиэтин Пахомова И.Е салайааччылаах делегация кэлэн билсэн, кинигэлэри көрөн, В.Ф.Ермолаев үлэлэрин сэҥээрэн хаартыскаҕа түһэн бардылар.Бу быыстапка салгыы улуустааҕы библиотекаҕа ыһыах күннэригэр туруоҕа. Кэлиҥ, көрүҥ, сэргээҥ!