Ахсынньы 28 күнүгэр СССР төрүттэммитэ 100 сылыгар аналлаах «Ааспыт сыл ахтылҕана» диэн  тэрээһин ыытылынна.Ил Түмэн депутата, Чурапчы улууһун партийнай секретара Никитин Семен Иванович уонна Бэтэрээннэр сэбиэттэрин салайааччыта Матвеева Матрена Николаевна эҕэрдэ тылы эттилэр. 

Бу тэрээһиҥҥэ сэбиэскэй кэм историятын көрдөрөр киэҥ хабааһыннаах выставка турбута. Ол курдук Христина Петровна Федулова өр сылларга муспут историяны кэрэһэлиир кинигэлэрэ, тутта сылдьыбыт маллара бааллар.
Хатылыттан «Баҕа санаа» үҥкүүһүттэр бөлөхтөрө ыҥырыылаах ыалдьыт буолан биэчэри киэргэттилэр. 

Кэлбит ыалдьыттар урукку кэм ырыаларын караокенан ыллаатылар.
Хатылы үҥкүүһүттэрин бөлөҕө урукку кэми санатар туттулла сылдьыбыт кыра малларын аҕалан кэпсээтилэр.

«Мы из СССР» викторинаҕа кыттан боппуруостарыгар эппиэттээн сэбиэскэй кэм бэлиэ түгэннэрин санаан ыллылар.

Библиотека ааҕар саалын специалиһа урукку сэбиэскэй кэм кинигэлэрин билиһиннэрдэ. 
Аһаҕас микрофоҥҥа хас биирдии кэлбит киһи бу сэбиэскэй кэмнээҕи олоҕун хайдах саныырын, тугу ахтарын туһунан ис сүрэхтэриттэн астына, дуоһуйа кэпсээтилэр.