Сахабыт Сиригэр  тѳрүттэнэн, киэҥ билиниини ылбыт, бу сыл  саамай бэлиэ уонна чаҕылхай түгэнэ  «Азия оҕолоро» VIII норуоттар икки ардыларынааҕы спортивнай оонньуулар саҕаланналлара биир күн хаалла. «Азия оҕолоро» Оонньуулар Азия дойдуларын уонна Арассыыйа эрэгийиэннэрин 17 диэри саастаах эдэр спортсменнарын түмэр, эйэни, доҕордоhууну бѳҕѳргѳтѳр уонна чѳл олоҕу пропагандалыыр сыаллаахтар. “Азия оҕолоро”  Оонньуулар хас 4 сыл аайы ыытыллаллар.       Аан бастакы «Азия оҕолоро» Оонньуулары  көҕүлээбит, төрүттээбит уонна тэрийэн ыыппыт Саха Өрөспүүбүлүкэтин Бастакы Бэрэсидьиэнэ Михаил Ефимович Николаев  буолар. Бастакы «Азия оҕолоро» Олимпийскай оонньуулар  100 сылларыгар ананан 1996 сыллаахха атырдьах ыйын 9-16 күннэригэр Дьокуускай куоракка  ыытыллыбыттара. Спорт 8 кѳрүҥэр  224 мэтээли ылар иhин 12 омук дойдутуттан  уонна Арассыыйа эрэгиийиэннэриттэн  250-тан тахса спортсмен кыттыбыта. Бастакы Оонньууларга кыттыбыт оҕолортон Сахабыт сирин  биллэр-кѳстѳр, ааттаах-суоллаах спортсменнара куорсун  анньынан, үүнэн тахсыбыттара,  кинилэр  ааттара аан дойду спортивнай түhүлгэлэригэр бастыҥнар ортолоругар киирбиттэрэ. 

       Быйыл бэс ыйын 25 күнүттэн от ыйын 7 күнүгэр дылы  ыытыллар   «Азия оҕолоро» VIII сайыҥҥы оонньууларга 24 тас дойдуттан 30  хамаанда, 3000 кэриҥэ спортсмен кытталлар.  Оонньууларга   24 көрүҥ : олортон 17 сүрүн көрүҥ уонна  5 эбии көрүҥ:  үҥкүү спорда, саахымат, Го, кик-боксинг, стендэҕэ ытыы, ону таһынан, “демонстрационнай кѳрүҥнэр” диэн статустаах очуоска ыттыы (скалолазание) уонна алыш (киргизтэр национальнай курдаһан тустуулара) киирдилэр.     VIII норуоттар икки ардыларынааҕы «Азия оҕолорун» оонньууларын  логотибыгар Туймаада хочотугар күннээх күн хамсана сылдьар оҕо  ойууламмыт, логотип өҥнөрө Саха сирин айылҕатын ойуулуур: Туймаада хочотун күөх өҥүнэн, Өлүөнэ өрүһү халлаан күөҕүнэн уонна Саха сирин култууратын биир сүрүн бэлиэтин күнү араҕаһынан. Бэлиэ Азия бары муннуктарыттан омугуттан, дойдутуттан тутулуга суох оҕолору түмүү, күрэхтэһээччилэр икки ардыларыгар доҕордоһууну уонна убаастабыллаах сыһыаны көрдөрөр.Оонньуулар талисманнара сэлии оҕото Модун уонна моҕотой Сайыына

     Быйыл  VIII норуоттар икки ардыларынааҕы «Азия оҕолорун» Оонньууларыгар  барыта 239 комплект наҕараада  оонньонор. Саха Өрөспүүбүлүкэтин сүүмэрдэммит хамаандатыгар 370 спортсмен киирэн спорт 24 көрүҥэр аан дойду ааттаахтарын кытта күөн көрсүөхтэрэ, күрэс былдьаһыахтара. Чурапчыбыт улууһуттан  Саха сирин сүүмэрдэммит хамаандатыгар   Д.П.Коркин аатынан Чурапчытааҕы республиканскай спортивнай олимпийскай эрэллэри бэлэмниир орто интернат- оскуолаттан  4 көрүҥҥэ  28  оҕо кыттыахтара:  көҥүл тустууга – Ефимов Егор, Капитонов Дьулустан, Слепцов  Андрей, Аммосов Айтал, Кононов Арылхан, Семенов Никифор, волейболга — Баранкевич Андрей, Давыдова Марианна, Бродникова Арина, Бурнашева Аэлита, Ефимова Милена, Попова Туйаара,Горохова Наталья,Андреева Сандаара, Соловьева Софья, Черкашина Айгылаана, чэпчэки атлетикаҕа – Драгунов Эрчимэн,Охлопков  Харысхал, Григорьев Айтал, алыш (киргизтэр национальнай курдаһан тустуулара) – Попов Александр, Аммосов Дмитрий, Сивцев Никон, Федотов Петр, Ефремов Арсен, Пинигин Данил, Неустроев Ариан, Сивцев Алексей, Толстоухов Петр. Чурапчы улууһуттан кыттар Саха сирин чиэһин көмүскүүр эдэр спорсменнарбытыгар уонна бары кыттааччыларга  улахан түһүлгэҕэ ситиһиини, кыайыыны-хотууну баҕарабыт!«Азия оҕолоро»  норуоттар икки ардыларынааҕы спортивнай оонньуулар туһунан матырыйаалларга көрүҥ, спорт чаҕылхай, бэлиэ түгэннэрин түһүнан билиҥ, ааҕыҥ! 

   Международные спортивные игры “Дети Азии”  https://yakutsk2024.org/?ysclid=lxtoi7wul1801828805    «Николаев-Центр» – Библиотека-архив Первого Президента Республики Саха (Якутия) М.Е. Николаева :  Михаил Ефимович Николаев — основатель Международных спортивных игр «Дети Азии» https://nikolaevcentre.ru/virtual/46/index.html?ysclid=lxsf7wvo4u838267106 Национальная библиотека Республики Саха (Якутия). Тематическая коллекция:  Международные игры «Дети Азии»  https://new.nlrs.ru/collections/4095 Международные спортивные игры «Дети Азии», 1996 год: [видеозапись]  https://new.nlrs.ru/open/71938               Улуустааҕы киин библиотекаҕа ааҕар саалаҕа “Азия оҕолоро” оонньуулар туһунан кинигэлэри ааҕыҥ, сэргээҥ!