Улуустааҕы киин библиотекаҕа Сомоҕолоһуу күнүн чэрчитинэн оскуола оҕолоругар  бэрт сэргэх  тэрээһин  ыытылынна. Сомоҕолоһуу күнүгэр аналлаах кинигэ быыстапкатыттан бу күн историятын, суолтатын биллилэр. Тэрээһин иккис чааһыгар Россия араас норуоттарын оонньууларын туһунан билсэн, көрдөөх оонньууларга кытыннылар. Саха, нуучча, удмурт, башкир, киргиз норуоттарын оонньууларын оонньоотулар. Кэлбит оҕолор саха төрүт оонньууларын хабылыгы, хаамысканы  сэргэ  сонун оонньуулары «Туллукчаан» уһуйаан иитээччитэ, Захарова И. Д.   оҕолорго анаан оҥорбут авторскай оонньууларын, ол курдук ат сүүрдүүтэ, күөрчэх оонньууну сөбүлээн оонньоотулар «Үөрүү»  оҕо эбии үөрэхтээһинин  киинин үлэһиттэрэ Башарина С. В., Саввин С. Г.  оҕо сылдьан оонньообут оонньууларын кэпсээтилэр.  Бу күн библиотека үлэһиттэрэ  оҕолорго  ааҕар дьиэни билиһиннэрэр экскурсия ыыттылар, оҕолорго аналлаах периодическай бэчээт сурунаалларын, хаһыаттарын сырдаттылар. Каникул кэмин туһалаахтык атааран оҕолор элбэҕи билэн, оонньоон, астынан тарҕастылар.