Чурапчы улууһугар сыллата «Сибэкки бырааһынньыгын» улуустааҕы киин бибилэтиэкэ уонна улуус дьаһалтатын социальнай коммуникацияҕа салаата тэрийэн ыыталлар. Бу тэрээһин уулуссалары көҕөрдүүгэ, хас биирдии ыал тэлгэһэтин сибэккинэн симииргэ уонна дьиэ кэргэн бэйэтин битэмииннээх оҕуруот аһынан хааччынарыгар, өлгөм үүнүүнү ыларыгар, дохуот киллэринэригэр төһүү күүс, көмө буолар. Ол да иһин 20-тэн тахса сыл устата ыытыллара нэһилиэнньэҕэ наадалаах дьаһал буоларын туоһулуур. Тэрээһин кыттааччыларыгар сылын аайы 5 анал ааты таһаараллар. Быйылгы анал ааттар кыайыылаахтарынан буоллулар: “Сибэкки эгэлгэтэ — эйгэбит симэҕэ” — Ньургуяна Степанова (Одьулуун), “Дэлэй арассаада, өлгөм үүнүү” — Розалия Сухаринова (Чурапчы), “Көҕөрдүүнү көҕүлээччи” талах мастары үүннэрээччилэргэ — Екатерина Ксенофонтова (Төлөй), бааһынай хаһаайыстыбалар икки ардыларыгар “Быйаҥы дэлэтэр сайдам ыал” — «Саргыдай» б/х, сал. Станислав Сивцев (Чурапчы) уонна оскуолалар икки ардыларыгар “Кэскиллээҕи салайсан, быйаҥы уһансан” — Төлөй аграрнай оскуолата. «Все об огороде» кинигэ быыстапката турда. Библиотека кыргыттара кэлбит ыалдьыттарга оонньуу оонньотон сэргэхситтилэр.Маны таһынан сыл аайы уларыйа турар күрэх ыытыллар. Быйыл «Мин таптыыр сибэкким» диэн бэйэ илиитинэн оҥоруу броһун күрэҕэ буолла. Манна кыайыылааҕынан Алена Захарова (Чурапчы) таҕыста.Фоторепортаж