Улуустааҕы киин библиотекаҕа үбүлүөйдээх суруйааччыларга аналлаах саҥа кинигэ быыстапката турда.Ол курдук Саха Өрөспүүбүлүкэтин народнай суруйааччыта, ССРС суруйааччыларын союһун чилиэнэ, Николай Алексеевич Лугинов 75 сааһыгар кини биллиилээх айымньыларыттан
«Чыҥыс-хаан ыйааҕынан», саҥа кинигэтэ «Улуу хууннар», «Кустук» уо.д.а. кинигэлэрэ турдулар.

Прозаик, Аҕа дойду сэтиитин кыттыылааҕа, суруналыыс, Семен Осипович Никифоров хоту дойду тулуурдаах дьоно, тыа хаһаайыстыбатын туруу үлэһиттэрэ, хорсун-хоодуот саллааттар, эйэлээх олоҕу тутааччылар тустарынан айымньылара саха норуотугар киэҥник биллэллэр. Ол курдук «Саллаат доҕорум», «Ытык-Хайа ыаллара», «Саллаат дьылҕата», «Быйаҥнаах кытылга» дьон сөбүлээн ааҕар кинигэлэрэ турдулар.РСФСР культуратын үтүөлээх үлэһитэ, Саха АССР культуратын үтүөлээх үлэһитэ, Орто Халыма улууһун ытык олохтооҕо поэт, прозаик, суруналыыс, Степан Егорович Дадаскинов хоту дойду кэрэ айылҕатын, олоҕун-дьаһаҕын туһунан кэрэ айымньыларыттан «Туман», «кыталык ырыалаах сылларым», «Өлөөн ырыалара», «Кырса суола», «Харгы», «Кыталык үҥкүүтэ» кинигэлэрэ турдулар.

Кэлиҥ,сылдьыҥ, сэргээн.