Сайыҥҥы кэмҥэ күн сырдыга уһаан турар кэмигэр, оҕо библиотекатын иһинэн үлэлиир лааҕыр иитиллээччилэригэр «САЙЫНЫ ТАПТЫЫБЫН» диэн бэрт-сэргэх тэрээһин ыытыллынна.Ол курдук  аан бастаан оҕолор библиотекаҕа киирэннэр, үлэтин-хамнаһын кытта билистилэр, хосторун, кинигэ турар сирдэрин сэҥээрэ көрдүлэр.

Ол кэнниттэн библиотекарь Захарова Матрена Николаевна сайын суолтатын, сайын устата саха дьоно туох дьарыктаахтарын, урукку кэмҥэ оҕолор тугу сөбүлээн оонньууларын, сайылыкка туттуллар маллары-саллары билиһиннэрдэ.Онтон оҕолор икки хамаандаҕа арахсаннар, хамсаныылаах Көрдөөх оонньуулары үөрэ-көтө оонньууну саҕалаатылар. Бастакы түһүмэххэ саха сүүрүүк оонньуур аттары «Манчаары» уонна «Үрүмэччи» диэн ааттааннар, сыыдам сырыыга күөн күрэстилэр.

Иккис түһүмэххэ саха таптыыр ынаҕын эмиийиттэн сэҥээрэ ыан көрдүлэр.

Үһүс түһүмэххэ бириэмэҕэ оҥоойугу дьэдьэнинэн толордулар.

Төрдүс түһүмэххэ «Таабырынна таайыахха» саха туттуллар малыгар-салыгар,таҥаһыгар сабыгар, хамсыыр харамайга, айылҕа көстүүлэригэр сыһыаннаах викторина ыйытыктарыгар  эппиэттээтилэр.

Бэһис түһүмэххэ кыргыттар баттах өрөн холоннулар, сатабылларын хаҥаттылар. Алтыс түһүмэххэ булчут буолан бэргэн ытыыга сыал таптылар.Ити курдук оҕолор үөрэн-көтөн, астынан-дуоһуйан күнү бэһиэлэйдик атаардылар, билиилэрин хаҥаттылар, өссө даҕаны библиотекаҕа кэлиэх буоллулар.