Кулун тутар 25 күнүгэр улуустаазы киин библиотеказа  ураты иһирэх тэрээһин хоһоону, поэзияны сэҥээрээччилэри түмтэ. Олохтоох бэйээт  Алексеев Иннокентий Илларионович  «Сайазас санаабын сааһылаан» диэн хоһоон хомуурунньугун сүрэхтэниитэ буолла.  Ааптар Иннокентий Илларионович айар үлэнэн 2019с дьарыктанар. Хоһооннорун олохтоох «Сана олох»  хаһыакка бэчээттэнэн саҕалаабыта.  Ааптар   айылҕа кэрэ көстүүтүн, эдэр саас, оҕо саас, кыраччааннар тустарынан, төрөөбүт дойду туһунан  хомоҕой тылынан  ылбаҕайдык, истиҥник суруйбут хоһоонноро  тэрээһиҥҥэ кыттыбыт дьон киэҥ сэҥээриитин ыллылар. Оҕолорго анаан суруйбут хоһооннорун ордук сэргээн салҕыы бу хайысхаза  истиҥ, сэргэх, сырдык хоһооннору кэтэһэллэрин  эттилэр. Талааннаах киһи барытыгар талааннаах дииллэринии Иннокентий Илларионович өссө биир талаанын  уруһуйдаабыт хартыыналарын   кэлбит ыалдьыттар  дьүүллэригэр таһааран сэҥээриини ылла. Кинигэ сүрэхтэниитин киин библиотека ааҕааччыны кытта үлэлиир отдел  сэбиэдиссэйэ Кузьмина М. Н. иилээн-саҕалаан ыытта. Иннокентий Илларионовиьы кинигэтэ сүрэхтэниитинэн бииргэ үлэлиир коллектива Чурапчытааҕы физкультура уонна спорт институтун специалистара,  улуустаазы бэтэрээннэр Сэбиэттэрин бэрэссэдээтэлэ Матвеева М. Н., нэһилиэк  уһуйааннарын иитээччилэрэ, «Чурапчы» литературнай түмсүү чилиэннэрэ, үөлээннээхтэрэ, библиотека үлэһиттэрэ кэлэн эҕэрдэлээтилэр, үтүө база санааларын эттилэр.