СӨ Ил Дархана Айсен Николаев ыйааҕынан ыам ыйын 25 күнэ — Оһуохай күнүнэн биллэриллибитэ.“Оһуохай быдан былыр олоҥхо үөскүөн иннинэ, сиэри-туому, ыһыах ыһыы обрядтарын толорууттан ситимнээн үөскээбит сайдыбыт буолуохтаах» .  Н.Е.Петров филогическай наука доктора. Сивцева М.З. Оһуохай — саха үҥкүүтэ, 1993. – С.6Саха сирин тыйыс айылҕалаах, аас-туор олохтоох, уһун тымныылаах кыһынын этэҥҥэ кыстаан, самаан сайын эргиллиитигэр күөххэ үктэнэн алаастарга айылҕаҕа оһуохай түһүлгэтин төрүттүүллэрэ.Оһуохай, ырыа-тойук — былыр –былыргыттан саха киһитин быстыспат аргыһа.Олоҕу киэргэтэр аналын таһынан, өссө чэбдик буоларга туһалааҕа биллэр.Оһуохай искусство үс көрүҥэ: поэзия, ырыа, үҥкүү бииргэ силбэһэн-ситимнэһэн сылдьар кэрэ эйгэлээх, киэҥ ис хоһоонноох норуот дьикти айымньыта буолар. Оһуохай – төрөөбүт тылы үөрэтии, баһылааһын, ийэ тылга таптал, дьүөрэ тылынан сатаан саҥарыы, хомоҕойдук тута хоһуйуу  уус-уран оскуолата.Саха төрүт үҥкүүтүн туһунан кинигэлэри көрүҥ, сэргээҥ, ааҕыҥ!