Олунньу ый 15 күнүгэр куйаар ситиминэн сахалартан бастакы учуонай-лингвист, саха норуотун маассабай суругун-бичигин, алпаабыты төрүттээбит, бастакы букубаардары, ааҕар кинигэлэри оҥорбут Семен Новгородов «Саха норуота сайдарын туһугар анаммыт чаҕылхай олох» диэн
төгүрүк остуол буолан ааста.

Н.Д.Субуруускай аатынан орто оскуола 6 кылааһын үөрэнээччитэ Ариан Максимов С.А.Новгородов «Төрөөбүт соругум» хоһоонун ааҕан иһитиннэрдэ.
Ийэ тылбыт ииникитин сүтэн-симэлийэн хаалбакка сайдан иһэригэр туох ханнык суолу-ииһи тобулан, үлэ-хамнас ыытылларын, ыытыллыаҕын туһунан киэҥ, дириҥ ис хоһоонноох кэпсэтии таҕыста.
Кыттыыны ыллылар: «Чурапчы улууһа(оройуона) » МТ социальнай боппуруостарга уонна бэйэни салайыныыга солбуйааччы М.Ф.Кронникова, «Болтоҥо нэһилиэгэ»МТ баһылыга В.В.Макарова, Н.Д.Субуруускай аатынан орто оскуола мусуойун үлэһитэ, краевед З.Е.Егоров, Турцияттан тыл  үөрэхтээҕэ, Турцияҕа саха оскуолатын төрүттээн үлэлэтэ сылдьар Хасан Хаир Север, Санкт-Петербург куораттан историческай наука кандидата, доцент Н.К.Харлампьева, СӨ норуодунай суруйааччыта Сэмэн Тумат, С.А.Новгородов аатынан Чурапчы орто оскуолатын директора Н.В.Уарова, Дьокуускай куоракка «Чурапчы» түмсүү сүрүннээччитэ Л.Е.Кириллина, Пенсионнай фонда Саха сиринээҕи салаатын управляющайа, Дьокуускай куоракка «Болтоҥо» түмсүү салайааччыта Г.М.Степанов, С.А.Новгородов аатынан «Айар» кинигэ кыһа генеральнай директора А.В.Егоров, М.К.Аммомов аатынан ХИФУ филологическай наука кандидата М.А.Кириллина, Гуманитарнай чинчийии уонна хотугу аҕыйах ахсааннаах норуоттар проблемаларын үөрэтэр институт научнай үлэһитэ, ф.н.к.С.Е.Ноева,
Чурапчы улууһун саха тылын уонна литературатын учууталларын методическэй холбоһугун салайааччыта Е.Е.Попова,
Россия Суруйааччыларын сойууһун чилиэнэ, суруйааччы П.П.Федоров-Сомоҕо, СССР культуратын туйгуна, СР культуратын үтүөлээх үлэһитэ, Чурапчы улууһун уонна Болугур нэһилиэгин Бочуоттаах олохтооҕо, Россия Суруйааччыларын сойууһун чилиэнэ, краевед, Гражданскай килбиэн бэлиэ хаһаайына В.Д.Пинигина.

Семен Новгородов «Саха норуота сайдарын туһугар анаммыт чаҕылхай олох» — МР4