Улуустааҕы киин библиотека ааҕар саалатыгар Саха АССР төрүттэммитэ 100 сылыгар аналлаах « Саха сирэ : дьыллар уонна дьоннор» диэн улахан кинигэ быыстапкатын арыллыыта буолла. Быыстапка арыллыыта   Иннокентий Артамонов «Төрөөбут төрут буорум – Сахам сирэ” диэн  хоһоонунан саҕаланна. Киирии тылы Чурапчытааҕы библиотечнай ситим директора Платонова Вера Аполлоновна эттэ.  4 улахан туһумэхтээх быыстапка Cаха сирин 100 сыллаах  баай историятын кэрэһэлиир, кэпсиир  кинигэлэрин  библиотека улэһиттэрэ билиһиннэрдилэр.

«Кэм кэрдии историята” түһүмэххэ Саха сирин  таас үйэттэн саҕалаан  билиҥҥи кэмнэ дылы  сайдан кэлбит историятын сырдатар кинигэлэри Р. В. Петрова билиһиннэрдэ.

«Автономияны төрүттэспит саха саарыннара» иккис түһүмэххэ автомияны турууласпыт, олоххо киллэрбит  уонна республика атаҕар турарыгар, үүнүүтүгэр- сайдыытыгар олохторун анаабыт, сүҥкэн кылааттарын киллэрбит саха норуота киэн туттар,   чулуу дьоннорун Ойуунускай П.А, Аммосов М.К, Барахов И.Н., Аржаков С.М., Винокуров И.Н. тустарынан С.К. Флегонтова сырдатта.

«Чурапчы улууһа сайдыы суолунан»  туһумэххэ  Аммосова Н.Н улууспут историятын сырдатар кинигэлэри,  биллиилээх дьонун-сэргэтин, улуус  тэрилтэлэрин  кинигэлэрин билиһиннэрдэ.

«История уус-уран литератураҕа» туһумэххэ Захарова М.Н.  саха советскай литературата сайдыытын 3 сүһүөххэ арааран толору быьааран кэпсээтэ. Саха суруйааччылара уус- уран литератураҕа  историческай событиялары суруйбут өлбөт суппэт дириҥ ис хоьоонноох  айымньыларын сырдатта.

Ону таһынан быыстапкаҕа Чурапчы  улууһун нэһилиэктэрин кинигэлэрэ турдулар. Ха биирдии нэһилиэк баай историятын сырдатар  кинигэлэрин  Кузьмина М.Н. билиһиннэрдэ . Быыстапкаҕа урукку кэми кэрэһэлиир маллар, туттар тэрил, открыткалар,  альбомнар тэрээһин кыттыылаахтарын сэҥээритин ыллылар.