Бэс ыйын 29 күнүгэр Чурапчытааҕы киин библиотекаҕа Саха Өрөспүүбүлүкэтин суруйааччыларын сойууһун чилиэнэ, хоһоонньут, кэпсээнньит Пономарев Дмитрий Николаевич –Дьолуолаах кэлэн ыалдьыттаан ааста.“Айар үлэнэн кэннэки дьарыктаммытым. 2014 с “Күрүлгэн” литературнай сурунаалга кэпсээннэрим бэчээттэнэн тахсар буолбуттара. 2017 с “Дьолуолаах” уонна “Отут алта туос эмэгэт” диэн кэпсээннэрим кинигэлэрэ утуу-субуу бэчээттэнэн ааҕааччы дьүүлүгэр тахсыбыттара”- диэн кэпсээнин саҕалаата.Ордук “Биһик” диэн Чурапчы көһөрүллүүтүн туһунан кэпсээнэ дьон-сэргэ болҕомтотун тарта. Ол курдук ааҕааччылар бу кэпсээн сүрэхтэригэр чугастык ылыммыттарын туһунан санааларын эттилэр.Библиотека дириэктэрэ Вера Апполоновна Платонова: “Өссө даҕаны элбэх айымньыларгын ааҕааччыларга бэлэхтээҥҥин Чурапчы библиотекатыгар саҥа кинигэн презентациятын күүтэбит”- диэн баҕа санаатын эттэ уонна кинигэ бэлэх уунна.Эрэллээх ааҕааччы Тимофеева Мария Николаевна суруйааччы айымньыларыттан дорҕоонноохтук хоһоон ааҕан махталын тириэртэ.Дмитрий Николаевич кэлбит ааҕаачыларга кинигэтигэр баҕа санаатын суруйан,   афтографтаан хас биирдиилэригэр бэлэх туттарда.Кини сайаҕас санаатын, киэҥ, дириҥ толкуйун, баай суруйар дьоҕурун дьон-сэргэ хайҕыы, астына көрдө, сэҥээрдэ.