Сэтинньи 29 күнүгэр Чурапчытааҕы киин библиотекаҕа «ОЛОҤХО-time» блиц-турнир буолан ааста. Уопсайа 4 хамаанда  кыттыыны ылла.

Хамаандалар 5 түһүмэххэ күөн көрүстүлэр. «Олоҥхото ааҕыахха» диэн түһүмэххэ хамаандаттан биирдии киһи,  Петр Васильевич Оготоев «Элэс Боотур» — кинигэтиттэн олоҥхону онолуйа аахтылар, дьон сэҥээритин ыллылар.

Кыайыылаахтар Добун суругунан наҕараадаланнылар. I үрдэл — «Күн Куйаарыма»,

II үрдэл — «Иэйиэхсит»,

III үрдэл — «Күн»  хамаандалар  ыллылар.

Кэрэ кэпсээн кэһиилээх Андрей Петрович Гоголев аатынан Чурапчытааҕы музыка уонна искусство оскуолатын  1,2  кылааһын үөрэннээччилэрэ уҥа атахтарынан оллоон кэбистилэр, хоппо ытыстарынан кулгаах баттаннылар, көмүс күөмэйдэрин көҥкөтөн, күөрэтэ-дьиэрэтэ  «Дьулуруйар Ньургун Боотур» олоҥхоттон быһа тардыыны, олус үчүгэйдик толордулар. Салайааччы  Барашкова Алена Егоровна.

Кылыһахтаах мааны куолаһынан тойук туойан, олоҥхоттон быһа тардан Мария Николаевна Тимофеева, ону тэҥэ, Чурапчытааҕы колледж устудьуона Сергей Портнягин олоҥхолоон доллоһутан тэрээһиммитин киэргэттилэр.

Бука бары кэлбит кыттааччыларбытыгар МАХТАЛ истиҥ тылларын аныыбыт! Уус-уран айымньыбыт чыпчаала, сүдү олоҥхобут, үйэлэртэн-үйэлэри уҥуордаан үүнэ-сайда турдун!

Түһүмэхтэртэн быһа тардан