Муус устар 27 күнүгэр Чурапчыбыт нэһилиэгэ 375 сылын көрсө киин библиотека ааҕар саалатыгар «Оҕуруо абылаҥа» диэн көрсүһүүгэ уус-уран оҥоһуктарга норуот маастара, учуутал, наставник Дьячковская Альбина Семеновна кэлэн ыалдьыттаата. Көрсүһүү кыттааччылара оҕуруо араас көрүҥнэрин, өҥүнэн дьүөрэлэһиитин, бэйэтин үлэлэрин көрдөрөн туруоруутун, «Иис-уус кэрэ эйгэтэ» кинигэ быыстапкатын олус сэҥээрэн көрдүлэр-иһиттилэр. Түөскэ кэтиллэр киэргэли тигиигэ маастар бэйэтин сүбэтин, хайдах тигэри көрдөрдө. Нэһилиэкпит уус-уран тарбахтаахтара үөрэнэн, көрөн-истэн, тиктэн, сахалыы таҥастарын өссө оҕуруонан ситэриэхтэрэ, киэргэтиэхтэрэ диэн эрэллээхпит.