Ахсынньы 9 күнүгэр улуустааҕы киин библиотека ааҕар саалатыгар Н.Н.Аржаков – Боло Уус” Төрүт дорҕоон доҕуһуолун тордоон” диэн саҥа кинигэтин сүрэхтэниитэ буолан ааста.Н.Н.Аржаков- Нуучча географическай уопсастыбатын,Арассыыйа Суруналыыстарын, СӨ Суруйааччыларын сойууһун чилиэннэрэ,СӨ норуотун маастара,кыраайы үөрэтээччи,Чурапчы улууһун Хатылы нэьилиэгин Бочуоттаах олохтооҕо,12 кинигэ автора.саха музыкальнай  инструменнарын,саха боотурун сэбин-сэбиргэлин оҥоруунан дьарыктанан элбэх быыстапкалар.фестиваллар кыттыылаахтара.

    Кини олоҕун,үлэлэрин сырдатан кэпсиир “Айар үлэ аргыстаах аартыгынан” диэн кинигэ быыстапката  турда

    Биэчэри  Барашкова А.Е. салайааччылаах Гоголев  А.П. аатынан музыкальнай оскуола  фольклор бастакы кылааьын оҕолоро “ Сайыҥҥы күн” диэн композицияларынан арылынна.Өссө биэчэри “Радость” оҕону сайыннарар киин” Саҥа саҕахтар”  диэн бөлөх  хомуска оонньоон киэргэттилэр.Биэчэри иилээн-саҕалаан ыытта ааҕааччыны кытта үлэлиир салаа сэбиэдиссэйэ Кузьмина М .Н.

Николай Николаевич-Боло Уус  2020 сыллаахха  бэчээккэ таһаартарбыт” Манчаары мөккүөрдэрэ”,”Күн дьоно”,”тойук бөлөҕө”” Олохпут ологун охсубут оскуолабыт”,”Тыыннааххар эппэтэх тылларым” диэн кинигэлэрин биирдиилээн ырытан  билиһиннэрдэ. Бэйэтэ толкуйдаан  оҥорбут   сахалыы  инструменнарын  көрдөрөн,оонньоон иһитиннэрбитин биэчэр кыттыылаахтара олус интэриэһиргээн боппуруос бөҕө  ыйыттылар,тутан- хабан көрдүлэр.

 Төрүт дорҕоон доҕуһуолун тордоон  саҥа кинигэҕэ автор хомус уонна кыл хомус  айыллыыларын саха ох саата сайдан кэлбит суолун ситимнээн көрдөрөр.Ханнык ыстааллары туттан хомус кэрэ дорҕооннорун  ситиһэри,хомуска уустук айымньылары  туруортаабыт ситиһиилэрин кытта  билиһиннэрэр.Кинигэттэн хомус охсуутугар,кыл хомус,үрүллэн оонньонор доҕуһуол тэриллэрин оҥорууга туьалаах субэлэри булуохха сөп.

 Түмүгэр, Мария  Андреевна. уонна Валерий  Петрович.Герасимовтар,Мария  Владимировна  Чичигинарова,Николай Николаевич Новгородов бу сүдү сыаналаах үлэ кинигэ буолан тахсыбытынан эгэрдэлээтилэр,махтаннылар уонна инникитин маннык кинигэлэр өссө да  тахсалларыгар баҕа санааларын эттилэр.Кэлбит ыалдьыттар сахалыы астары амсайан,саҥаны-солуну истэн-көрөһ дуоһуйан тарҕастылар.