Быйыл Өрөспүүбүлүкэбит Ил Дархана Айсен Николаев биллэрбит ҮЛЭ сыла студеннарга олохторугар умнуллубат түгэн буолла. Нэһилиэкпит 375 сыллаах үбүлүөйүн сылыгар дьоһун кылаатын «МОХСОҔОЛ» стройотряд оҕолоро араас хабааннаах ремонт, кырааска, ыраастааһын үлэтин ыытаннар, нэһилиэк олоҕор дьоһун кылаатын киллэрдилэр. Ол курдук атырдьах ыйын 18 күнүгэр Чурапчыбыт тоҕус томторугар баар мэҥэ бэлиэ таастар ыскамыайкалын туругун тупсардылар, көстүүтүн кырааскалаан үлэлээтилэр.Ону тэҥэ хас биирдии томтор баай историятын кытта билистилэр.Холобур, бастакы быраас Прокопий Нестерович Сокольников илиҥҥи томторго бэйэтин уһулуччулаах үлэтин туһунан, Василий Семенович Яковлев-Далан оскуола томторугар «Дьикти саас» айымньыта айыллан тахсыбытын туһунан, Дмитрий Петрович Коркин олимпиецтары үүннэрэн таһаарбыт кэрэ сирдэрин көрөн, кэрэхсээн билистилэр.Кырдьык даҕаны, биһиги Чурапчыбыт киэҥ историялаах, биллиилээх үлэһит дьоннордоох баай улуус эбит. Бу ыччат десана студеннарга патриотическай өйү-санааны олохтоон, иннитигэр төрөөбүт нэһилиэктэрин, улуустарын, бүттүүн Сахабыт сирин сайдыытын туһугар үлэлиэхтэрэ, кыһыллыахтара диэн эрэллээх, алгыс тыллардаах тэрээһиммитин түмүктээтибит.Видеосюжет ютуб каналыгар ссылканан көрүҥ. https://youtu.be/SIm9Y8Wg2sA