Бу күннэргэ оҕуруоччуттарга түбүктээх күннэр. Оҕуруот тыа ыалыгар аһы-үөлү хааччыйар, дьиэ кэргэн экономикатын тупсарар биир сүрүн салаа буолар. Олорор сирбит усулуобуйатыгар сөп түбэһэр үүнээйилэр саҥа сонун көрүҥнэрин көҕүлүүр, оҕуруот аһын, сибэккини, мастары үүннэрэригэр көмө-тирэх, сүбэ буоллун диэн, оҕуруоту көрүү-харайыы сатабылын сырдатар, билиини-көрүүнү иҥэрэр сыаллаах көрсүһүү буолан ааста.

Көрсүһүү ыалдьыта «Россельхозцентр» тэрилтэ Саха сиринээҕи салаатын агронома Мария Семеновна Мигалкина бэйэтин уопутуттан  кэпсээн, саҥа сонуну билэн тарҕастылар.

«Во саду ли, в огороде…» диэн кинигэ быыстапкатын С.К. Флегонтова билиһиннэрдэ.                                                    Улуустааҕы Дьахтар сүбэтин председателэ А. И. Афанасьева Махтал суругу туттарда.

          Атыы түгэниттэн

Элбэх оҕуруот аһын эгэлгэтин, үүнээйи арааһын силигилии үүннэрэн, сайыны үөрэ-көтө көрсөргүтүгэр баҕарабыт.