«Күн киһи Күннүк Уурастыырап» диэн литературнай-музыкальнай биэчэр Саха норуодунай суруйааччыта В.М. Новиков — Күннүк Уурастыырап төрөөбүтэ 115 сыла бэлиэтэннэ.

  Баянист Спиридон Готовцев доҕуһуоллаан ырыаһыттар Борис Васильев, Гавриил Макаров, Наталья Захарова, Валентина Дьячковская ырыа буолбут хоһооннорун толордулар. Норуот «уоһуттан түһэрбэккэ» ыллыыр «Көлүкэчээн», «Күөх нуоҕай мутукча», «Түүл», «Долгунча» уо.д.а ырыаларын киһи эрэ истэ олоруох курдук уопсай толорон ылланна.

    «Тыыннаах тыл» түмсүү поэт хоһооннорун өрө көтөҕүллэн аахта.

  Вероника Маркова, Валентина Дьячковская Күннүк Уурастыырап суруйбут оһуокайын тылын этэн дьону түмэ тардан оһуокайдаттылар.

   Тэрээһиҥҥэ кэлбит ыалдьыт барыта хабыллан хоһоон ааҕан, ырыа ыллаан солун, көхтөөх дьаһал ыытылынна.

«Утум» норуот дьиэтэ уонна

улуустааҕы киин библиотека

24.05.2022