Муус устар 14 күнүгэр култуура үлэһиттэригэр «Культурологическай ааҕыылар — 2023» VI төгүлүн ыытылынна.2017 сылтан саҕалаан улуустааҕы култуура салаата уонна улуустааҕы киин библиотека кыттыһан Россия култууратын уонна ускуустубатын күнүгэр (кулун тутар 25 күнэ) анаан сылын аайы научнай-практическай конференцияны тэрийэн ыытар.

НТК сыалынан Чурапчы улууһуттан төрүттээх култуура, ускуустуба диэйэтэллэрин айар үлэлэрин үөрэтии, дьоҥҥо тиэрдии, чинчийэр үлэҕэ көҕүлээһин буолар. VI сылын ыытыллар научнай-творческай конференция быйыл үс хайысханан ыытылынна. Ол курдук, бастакы хайысха – «Чурапчы улууһун култууратын уонна ускуустубатын диэйэтэллэрэ», иккис – «Чурапчы нэһилиэгин үбүлүөйдээх суруйааччылара, «Чурапчы — уран тыл биһигэ» антологияҕа киирбит суруйааччылар, үһүс хайысха – «Төрөөбүт түөлбэм — Чурапчы», Чурапчы нэһилиэгэ төрүттэммитэ 375 сыла. Барыта 15 киһи кыттыыны ылла.

Дьүүллүүр сүбэ чилиэннэринэн: Платонова В.А., кииннэммит библиотечнай ситим директора, Толстоухов, Ю.С. Чурапчытааҕы А.А. Саввин аатынан история уонна этнография музейын директора, Сивцева А.И., Чурапчытааҕы А.П. Гоголев аатынан оҕо ускуустубатын оскуолатын директора. Бастакы хайысха – «Чурапчы улууһун култууратын уонна ускуустубатын диэйэтэллэрэ».

Бу хайысхаҕа бастакы миэстэни Аммосова Анастасия Васильевна (Сылаҥнааҕы библиотека сэбиэдиссэйэ) «XX-с үйэ бастыҥ үлэһитэ» дакылаатынан,

иккис миэстэни Суздалов Николай Иванович (Кытаанахтааҕы «Түһүлгэ» норуот айымньытын дьиэтин, айар үлэ жанрын исписэлииһэ) «Охонооһой Сабаакын үлэтин тыыннааҕымсытыы» дакылаатынан,

үһүс миэстэни Толстоухова Марианна Прокопьевна (Дириҥнээҕи библиотека сэбиэдиссэйэ) «Олоххо тапталы иҥэринэн», (Н.П. Тарасов туһунан). Иккис хайысха – «Чурапчы нэһилиэгин үбүлүөйдээх суруйааччылара, «Чурапчы — уран тыл биһигэ» антологияҕа киирбит суруйааччылар.

Бу хайысхаҕа бастакы миэстэни Дьячковская Елена Николаевна (Оҕо библиотекатын сэбиэдиссэйэ) «В.С. Яковлев — Далан үһүйээннэринэн ойуулаах тылдьыт» дакылаатынан,

иккис миэстэни  Аргунова Лариса Петровна (Бахсы библиотекатын сэбиэдиссэйэ) Уйбаан Бахсылыырап — И.И. Попов бырайыагынан «Ытык Бахсыга Бахсылыырап көмүс күһүнэ» дакылаатынан,

үһүс миэстэни  Гуляева Екатерина Петровна (Оҕо библиотеката), «Сахалартан бастакы художник — керамист дьахтар Мария Николаевна Гуляева — Туойа» дакылаатынан. Үһүс хайысха – «Төрөөбүт түөлбэм — Чурапчы», Чурапчы нэһилиэгэ төрүттэммитэ 375 сыла.

Бу хайысхаҕа бастакы миэстэни Флегонтова Саргылаана Кэнчээриевна (Улуустааҕы киин библиотека) «Чурапчы улууһугар библиотечнай дьыала сайдыыта. III-с Хатылы нэһилиэгэр политсыылынайдар библиотекалара» дакылаатынан,

иккис миэстэни Мохначевская Василена Васильевна (Чурапчытааҕы А.А. Саввин аатынан история уонна этнография музейа) «Айымньы ис хоһоонун быһаарыы (интерпретация текста)» дакылаатынан,

үһүс миэстэни Эверстова Ольга Гаврильевна (Оҕо библиотеката), «Чурапчы көһөрүллүүтэ Попов Иннокентий Петрович плакаттарын серияларыгар».Миэстэлэспиттэргэ уонна кыттыбыттарга ситиһиини баҕарабыт.