Саха сиригэр ыам ыйын 18 күнэ — Ньургуһун күнэ. Сааскы бастакы сибэккигэ анаммыт күн 2004 сыллаахтан бэлиэтэнэр.Тымныы,тыйыс кыһыннаах Саха сирин олохтоохторугар ньургуһун – инникигэ эрэл, күүстээх санаа, тулуур, кэхтибэт кэрэ күүһүн туоһута. Сандал саас,айылҕа уһуктуутун кэрэһитэ ньургуһун сибэкки туһунан элбэх хоһоон, ырыа айыллар.

 Ньургуһуннар     

 Николай Сибиряков тыллара уонна мелодията         

Харалдьыкка сааһын

Аайытын тыллар

Кэрэ, нарын сибэкки —

Ньургуһун, ньургуһунуом.

   Сырдык күнүм ыраас

  Чаҕылхай кыыма буолан

  Ирбэт  тоҥ буорга үүнэр

Дьикти сибэкки.

Ньургуһуннар тыллаллар,

Мин хонуубун толороллор

Ньургуһуннар, ньургуһуннар,

Сибэккилэр.

Сахам сирин килбик

Кийиитэ буолан үүнэр

Дьикти сибэкки —

Ньургуһун, ньургуһунуом.

Итэҕэйэбин өрүү

Маннык буолуо диэн.

Сиргэ таптал, дьол

Кэлиэ олохпутугар.

“Сири симиир ньургуһуннар»

Ньургуһун күнүгэр аналлаах тургутукка кыттыҥ диэн ыҥырабыт!

https://forms.gle/rEKvg5cd7iPonMm37