Балаҕан ыйын 15 күнүгэр, улуустааҕы Киин бибилэтиэкэҕэ Чурапчы нэһилиэгин тэриллибитэ 375 сылыгар аналлаах “Төрөөбүт күҥҥүнэн  тапталлаах Чурапчым” диэн үгэскэ кубулуйбут уус-уран ааҕааччылар күрэхтэрэ «Хомоҕой хоһоон» үрдүк тэрээһиннээхтик ааста.  Быйылгы күрэххэ хаһааҥҥытааҕар даҕаны элбэх  эдэр ыччат  кэлэн кыттыбыта  кэрэхсэбиллээх.Манна оскуола-интэринээт «Хотой» литэрэтиирэнэй бөлөҕүн хоһоонньут уолаттара, олохтоох техническэй кэллиэс устудьуоннара, саамай кырачаан “Мичил” уһуйаан  икки иитиллэччитэ уонна  поэзияны таптаан ааҕар, суруйар дьон кыттыыны ыллылар.Хоһоон хонуута үс хайысхалаах ыытылынна. Бастакы хайысха: «Үлэ — киһини киэргэтэр», иккис: “Чурапчы — мин дойдум”, үһүс көҥүл тиэмэ. Тэрээһини «Мичил» уһуйаан иитиллээччилэрэ тапталлаах Чурапчыбыт туһунан хоһоонунан арыйдылар. Бииртэн-биир ураты, 21 алыптаах хоһоону истэн дуоһуйдубут. Көҥүл тиэмэҕэ Чурапчы айар куттаахтара бэйэлэрин хоһооннорун иэйэн туран аахпыттарын дьүүллүүр сүбэ үрдүктүк сыаналаата.Дьүүллүүр сүбэ түмүккэ хайысхаларынан кыаҋыылаахтары ааттаталаан, үс бириистээх миэстэни үллэрдэ. Бастакы “Үлэ — киһини киэргэтэр” түһүмэххэ:1  миэстэ  –  Степанида  Попова;
2  миэстэ  –  Надежда  Попова;
3  миэстэ  –  Антонина  Перевалова.Иккис “Чурапчы — мин дойдум” түһүмэххэ:1 миэстэ —  «Хотой» литэрэтииринэй бөлөх (сал. А.Н. Кузьмина);
2 миэстэ — Николанна Бушуева-Арчылаана Чараҥ;
3 миэстэ – Луиза Кобельянова.Үһүс көҥүл тиэмэ түһүмэҕэр:1 миэстэ – Вячеслав Прокопьев;
2 миэстэ – Клара Кузьмина;
3м – Садот Стручков.Хоһоон түһүлгэтигэр кэлбит дьон бары үөрэн-көтөн, ирэ-хоро кэпсэтэн, астынан-дуоһуйан тарҕастылар.