Балаҕан ыйын 15 күнүгэр Улуустааҕы киин библиотека ааҕар саалатыгар «Феоктист Софронов – айар ыллыгынан» диэн биэс тохтобуллаах литературнай айан диэн биэчэр буолла.  Суруйааччы төрөөбүт-үөскээбит дойдутуттан Одьулуунтан Е.Е. Окорокова, А.Р. Аржакова, Т.С. Григорьева суруйааччы олоҕун, айымньытын, үйэтитии туһунан киэҥник сырдатан кэпсээтилэр. Оҕо библиотекатын үлэһиттэрэ Е.П. Гуляева, Е.А. Дьячковская «Феоктист Софронов оҕо суруйааччыта» диэн тиэмэни солуннук оонньуу нөҥүө билиһиннэрдилэр. С.К. Флегонтова суруйааччы айымньыларыттан үөрэтэр, сүбэ-ама хоһооннору оҕолордуун бииргэ ырытыһан, дорҕоонноохтук аахтарда. С.Р. Седалищева «Суолга» диэн сиэр-майгы тиэмэтигэр хоһоон аахпыта сэҥээриини ылла.  Бу тэрээһиҥҥэ С.А. Макаров аатынан гимназия уонна С.А. Новгородов аатынан орто оскуола үөрэнээччилэрэ, Чурапчытааҕы колледж студеннара, преподавателлэр кыттыыны ыллылар.  С.Ф. Софронов биир дойдулаахпыт, саха литературатыгар уус-уран тылбаас баар буолуутун пропагандалаабыт, олох сонун өттүн булан суруйар дьоҕурдаах поэппыт, оҕо-аймах тапталлаах учуутала, суруйааччыта, эйэҕэс, үтүө чараас дууһалаах, киһи аата үйэлэргэ ааттана, айымньылара өрүү ааҕылла турдун.