Ыам ыйын 15 күнүгэр Е.А.Борисов аатынан улуустааҕы киин  библиотека уораҕайыгар Улуу кыайыы 79 сылыгар аналлаах «Эйэни, көҥүлү уруйдуу туойабын» диэн хоһоон күрэҕэ ыытылынна. Хас биирдии кыттааччы бэйэтигэр сөптөөх хоһоону талан ылан аахта. Сорох кыттааччылар бэйэлэрин ааптарскай хоһооннорун сүрэхтээтилэр. Дьүүллүүр сүбэ кыттааччы хоһоонун тылын төһө билэрин, ис хоһоонун көрөөччүлэргэ хайдах тиэрдэрин, төһө доргуччу ааҕарын, таҥас сап өттүннэн көрөн сыаналаатылар.Ол курдук конкурс түмүгүнэн:«Гран-при» — Попов Иван Ильич – «Байдам» уонна кини кэргэнэ Попова Елена Иннокентьевна, Макаров Г.И.- Дьуон Дьанылы «Дьаакынапка» диэн хоһоонунан кыттан  кыайыылаах аатын ыллылар;«I Үрдэл» — Попова Степанида Ивановна – «Кыайыыны уруйдуубут»;«II Үрдэл» — Пермяков Василий Трофимович – «Татыана уола Баһылай» «Уот төлөн буолбуттар» ааптарскай хоһоон;«II Үрдэл» — Сандаар Күн Сандаара — «Биһиги эһээбит Миитээски» ааптарскай хоһоон;«III Үрдэл» — Тимофеева Мария Николаевна, Иван Арбита «Ытык сэриигэ»;«III Үрдэл» — Спиридонова Анна Петровна, В. Мухатов  «Привет Сталину!». Бу курдук конкурс түмүгүнэн хас биирдии кыттааччы анал аат хаһаайыттара буоллулар.Бары кыттааччыларбытыгар, ааҕааччыларбытыгар барҕа махтал! Өссө даҕаны ыытыллар тэрээһиннэргэ көхтөөх кыттыыны ылыаххыт диэн эрэнэбит.