Алар чараҥ быыһынанХаралдьыты таһааран,Алаас, сыһыы муҥунанХалаан уутун халытан,Хара сиргэ дугунанТиийэн кэллэ Ыам ыйа.        Сүүрүк дохсун аттанан       Сүһүөҕэр уйдаран      Симэх отун тэлгэтэн     Силик ойуу анньынан,    Ньургуһуҥҥа сууланан    Үүннэ үтүө Ыам ыйа.Чурапчы дьонугар-сэргэтигэр  ыам ыйын  биир саамай  кэтэһиилээх, күүтүүлээх, сөбүлүүр тэрээһинэ — сылын аайы  ыытыллар  Сибэкки бырааһынньыга буолар. Аан бастаан 1997 сыллаахха Чурапчытааҕы  киин  библиотека тэрийэн ыыппыта. Ол кэмтэн ыла бырааһынньык кэҥээн,  тэнийэн  билигин  Дьиэ кэргэн  декадатын чэрчитинэн   ыытыллар киэҥ хабааннаах үтүө дьаһал. Сылын аайы дьаарбаҥкаҕа улуус араас нэһилиэктэриттэн  биирдиилээн оҕуруоччуттар, дьиэ кэргэттэр,бааһынай хаһаайыстыбалар, оскуолалар   тэринэн  кэлэн  нэһилиэнньэҕэ   сибэкки арааһын, оҕуруот аһын  арассаадаларын, талах үүнээйилэри   атыылыыллар, уопуттарын үллэстэллэр, сүбэ-ама биэрэллэр. Дьиэ кэргэн күнүгэр анаммыт бырааһынньыкка   улуус олохтоохторугар  уонна ыалдьыттарыгар  анаан ылбаҕай  ырыалаах-тойуктаах  эҕэрдэ кэнсиэр, араас интэриэһинэй күрэхтэр, куонкурустар, кинигэ быыстапкалара, атыы-эргиэн  тэриллэр.Сир үрдэ дьиримниирЭргиччи сибэкки,Тырымнас сибэкки мичээрдиирТулаҕар үөрүү,Үлүскэн үөрүү үҥкүүлүүр.Саас, сайын ахсын Сандал  күн үрдүк  аатыгар,Сибэккилэр ыһыах  ыһаллар…Араас сылларга ыытыллыбыт  «Сибэкки  бырааһынньыга»  тэрээһин түгэннэрин  көрүҥ, сэргээҥ! Сигэ: https://youtu.be/uAMTtT-4q5A