Хомоҕой хоһоон түһүлгэтэ хоһоону сэҥээрээччилэри түмтэ.П.Е.Барахсанов аатынан культура уонна сынньалаҥ пааркатыгар балаҕан ыйын 10 күнүгэр Чурапчы нэһилиэгэ төрүттэммитэ 374 сыла үөрүүлээх быһыыга-майгыга бэлиэтэннэ.  «Чурапчы нэһилиэгэ» Муниципальнай тэриллии уонна Улуустааҕы киин библиотека «Хомоҕой хоһоон түһүлгэтэ» уус-уран ааҕыы күрэҕин тэрийэн ыыттылар.Киин библиотека сэргэх тэрээһинэ 2015 сыллаахха — литература сылыгар биир дойдулаахпыт С.Р.Данилов-Роман Даниловка ананан ыытыллыаҕыттан, сылтан сыл үтүө үгэс буолан, номнуо 7 төгүлүн ыытыллар.Быйылгы уус-уран ааҕыы куонкурус Өрөспүүбүлүкэҕэ Ийэ, улууспутугар Ийэ сир, Чурапчы нэһилиэгэр тулалыыр эйгэни харыстыыр сылларыгар ананна. Кыттааччылары «Чурапчы нэһилиэгэ» МТ специалиһа М.П.Матвеева, Саха Өрөспүүбүлүкэтин култууратын үтүөлээх үлэһитэ, Саха Өрөспүүбүлүкэтин култууратын туйгуна, кииннэммит библиотечнай ситим директора В.А.Платонова истиҥник эҕэрдэлээтилэр.Тэрээһин ыалдьыта биир дойдулаахпыт, суруйааччы Василий Яковлев кэргэнэ К.Т.Яковлева-Кулаковская истиҥ тылларын литература сүгүрүйээччилэригэр, күрэх кыттыылаахтарыгар анаата.  Д.Н.Федоров-Оһуохай Уола «Хоһооннорум» диэн айымньытын библиотека үлэһиттэрэ иһирэхтик ааҕан иһитиннэрдилэр. Күрэстэһии иннинэ  суруйааччы Василий Петров-Айыл «Чурапчыбын таптыыбын» хоһоонун күрэхтэһии кыттыылаахтара сомоҕолоһон, чахчы даҕаны Чурапчынан киэн тутталларын киһи эрэ итэҕэйиэх курдук, дорҕоонноохтук аахпыттара сонуннук көһүннэ.Хоһоону ааҕыы үс хайысханан ыытылынна: «Ийэҕэ сүгүрүйэн»(Ийэҕэ аналлаах), «Учуутал, поэт, тылбаасчыт Феоктист Софронов» (биир дойдулаахпыт, суруйааччы Степан Феоктистович Софронов- Феоктист Софронов (1922-1980) төрөөбүтэ 100 сылынан суруйааччы хоһоонноро), «Айылҕа кэрэтин дьүһүйэн» (Айылҕаҕа,  төрөөбүт дойдуга таптал).Кэлбит дьон болҕомтотун «Хоһоон иэйэр тылынан» кинигэ быыстапката тарта. Төрөөбүт дойдуларынан киэн туттуу, Ийэҕэ махтана саныыр уйаҕас тыллардаах таптыыр суруйааччыларын уонна бэйэ айбыт хоһооннорун  уустаан-ураннаан, уобарастаан,  итэҕэтиилээхтик аахтылар.Дьүүллүүр сүбэҕэ үлэлээтилэр: «Чурапчы нэһилиэгэ » МТ специалиһа М.П.Матвеева,Россия бэчээтин уонна тыатын хаһаайыстыбатын туйгуннара, «Кыһыл көмүс бөрүө» бириэмийэ лауреата, Болтоҥо нэһилиэгин бочуоттаах гражданина А.М.Слепцов,Саха Өрөспүүбүлүкэтин култууратын туйгуна, кииннэммит библиотечнайситим комплектование отделын специалиһа В.И.Душкина.Түмүккэ кыайыылаахтарынан буоллулар:«Ийэҕэ сүгүрүйэн » хайысхаҕа бастакы миэстэ- Евдокия Кузьмина, иккис миэстэ — М.П.Баяҕантаева, үһүс миэстэ- Алексей Руфов.«Учуутал поэт тылбаасчыт Феоктист Софронов» хайысхаҕа бастакы миэстэ — Н.М.Колодезникова буолла.«Айылҕа кэрэтин дьүһүйэн» хайысхаҕа бастакы миэстэ А.П.Федорова, иккис миэстэ — Садот Стручков, үһүс миэстэ — И.И.Алексеев буоллулар. Биһирэбил бириистэри анаатылар Г.Н.Абрамоваҕа,  Николанна Бушуеваҕа, С.А.Новгородов аатынан Чурапчы орто оскуолатын 1 кылааһын үөрэнээччитигэр Арина Поповаҕа уонна 7 кылааһын үөрнээччитигэр Тимур Христофоровка, «Туллукчаан» уһуйаан иитээччилэригэр А.М. Коркинаҕа уонна В.В. Романоваҕа.Бу күн күрэхтэһии кыттааччылара сөбүлүүр айымньыларын ааҕан, сынньана таарыйа викторинаҕа, хамсаныылаах оонньууга,  көхтөөхтүк кытыннылар. Тэрээһини биһирээн, дуоһуйан, сынньанан, астынан тарҕастылар. Эдэр ыччат маннык ааҕыыларга сылтан сыл кыттыылара эбиллэн иһэрэ үөрдэр. Чурапчы аграрно-техническэй колледжтан 7 устудьуон кыттыыны ылбыта кэрэхсэбиллээх. https://cloud.mail.ru/public/AZPF/CAojyWaqB