Ыам ыйын 15 күнүгэр «Чурапчы нэһилиэгэ» муниципальнай тэриллии дьаһалтатын баһылыга Сивцев Владимир Дмитриевич уонна баһылыгы социальнай боппуруостарга солбуйааччы Варвара Васильевна Макарова Чурапчытааҕы кииннэммит библиотечнай ситимҥэ «Чурапчы үйэттэн үйэҕэ» кинигэни бэлэх ууннулар.Кинигэҕэ Чурапчы нэһилиэгин историята, сайдыыта, общественнай-политическай уларыйыыта архыып докумуоннарыгар, киэн туттар ытык дьоммут суруйан хаалларбыт ыстатыйаларыгар олоҕуран оҥоһуллубут. Общественнай түмсүүлэр, түөлбэлэр үлэлэрэ сиһилии сырдатыллыбыт, хаартыскаларынан ситэриллэн биэрбит.Кинигэҕэ тэрээһиннэри сырдатар видеолар QR-кодтара киирэн биэрбитэ кинигэ ис хоһоонун ситэрэр.Кинигэ — бу үйэлээх бэлэх буоларынан, улуус ааҕааччыларын ааттарыттан дириҥ махталбытын «Чурапчы нэһилиэгэ» муниципальнай тэриллии администрациятыгар тиэрдэбит.