Улуустааҕы Дьахтар сэбиэтэ, улуустааҕы Е.А.Борисов  аатынан киин библиотека  «Норуот инники кэскилэ — тылыгар»  («В сохранении языка- будущее народа»)  бырайыага  2023 сыллаахха  Дойду Президенин култуураны көҕүлээһинин  пуондатын гранын ылбыта.Төрөөбүт тылы сайыннарар, харыстыыр сыаллаах бырайыагы  улуустааҕы киин библиотека үлэһиттэрэ Римма Петрова,  Матрена Захарова  сүрүннээтилэр. Бу бырайыак  чэрчитинэн нуучча   улуу суруйааччыта А.С.Пушкин  «Евгений Онегин»  хоһоонунан суруллубут романын буойун суруйааччы, ССРС Суруйааччыларын сойууһун чилиэнэ, биир дойдулаахпыт   Гавриил Иванович Макаров — Дьуон Дьаҥылы  тылбааһын   кинигэтин  Улуу Кыайыы 79 сылын  көрсө  Чурапчытааҕы аграрнай -техническай  колледж  устудьуоннара Слава Прокопьев (Мэҥэ Хаҥалас), Диана Винокурова (Горнай), Стас Барбасытов (Таатта), Степан Наумов (Чурапчы), Рита Рахматуллина (Чурапчы), Павел Егоров (Чурапчы), Сергей Порядин (Таатта)  ааҕан  аудио  кинигэ  оҥоһуллан  таҕыста.Күндү ааҕааччыларбыт!«Евгений Онегин» аудио кинигэни  сигэнэн киирэн истиҥ, сэргээҥ!:  https://youtu.be/O2HZ_bkXWhE

#Фондкультурныхинициатив, #Грантдлякреативныхкоманд