1941 сыл бэс ыйын 22 күнэ Чурапчыга    “Бүгүн күн да күн, сылааһа, сырдыга – чаҕылыйан күн да күн.   Бүгүн Чурапчылар  ыһыахтарын  иккис күнэ. Үөрүү-көтүү, үөмэхтэһии. Илии атах оонньуута. Киэһэлик ат сүүрдүүтэ. Аттар сүүрүөхтээх сирдэрин көрө-истэ, бэлэмнии барбыт “Социализм суола” хаһыат үлэһитэ Роман Егорович Захаров маннык кэпсээбитэ.”Биһиги уолбунуун ат сүүрэр сирин көрөн, оҥорон  төннөн иһэбит. Ыһыахчыттарга чугаһаан  иһэн көрдөхпүтүнэ биир даҕаны үөрэ-көтө, сүүрэкэлии сылдьар киһи суох. Бары уку-сакы хамнаналлар. Тырыбынаҕа  5-6 киһи тахсан тураллар. Дьон тырыбына тула мусталлар. Чугаһаан кэлэн билбиппит – сэрии. Партия райкомун сэкэрэтээрэ Яков Дмитриевич Белолюбскай “Немецкэй фашисткай сэриилэр саба түспүттэрин” иһитиннэрдэ. Оччолорго ыһыахтыыр сир – тырыбына билиҥҥи “Куохара” ырыынак диэки барар суолга турара. Киэҥ ыраас хонууга соҕотох мас тырыбына барааран турара. Суол арҕаа өртүгэр МТС киэҥ олбуора саҕаланар”.                                 Павлов, Иван   Михайлович.  Чурапчылар Ийэ дойду көмүскэлигэр /  И.М.Павлов. – Чурапчы, 2015. – С. 34-37      1941 сыллаахха бэс ыйын 22 күнүгэр, Фашистскай Германия Сэбиэскэй Сойууска соһуччу саба түһэн, Аҕа дойду уоттаах сэриитэ саҕаламмыта.      Сэбиэскэй Сойуус  бары норуоттара  кырыктаах өстөөҕү утары  бука бары биир сомоҕо буолан, Ийэ дойдуларын көмүскүү сэрии толоонугар аттаммыттара. Саха сириттэн барыта 62509 киһи, ол иһигэр 418 дьахтар ыҥырыллыбыта биллэр. Онтон 26129 киһи дойдуларыгар эргиллибэтэхтэрэ. Буойун, учуутал И.М.Павлов  Аҕа дойду Улуу  сэриитин  уонна  Чурапчы улууһуттан уоттаах сэриигэ кыттыбыт биир дойдулаахтарбытын  сырдатар, кинилэр  ааттарын үйэтитэр,  сүдү суолталаах кинигэлэри суруйбута.” Чурапчылар ийэ дойду көмүскэлигэр”  кинигэтигэр биһиги улууспутуттан Аҕа дойду Улуу сэриитигэр барыта 2170  киһи  ыҥырыллыбыта.    Үйэтитээччи, буойун, учуутал И.М.Павлов кинигэлэрин электроннай библиотекаҕа киирэн  билсиҥ. Дойдубут историятын үөрэтин, ааҕыҥ! Сигэ: Чурапчинская межпоселенческая централизованная библиотечная система | Павлов Иван Михайлович (muzkult.ru)

  «Сэрии дуораана уус-уран литератураҕа»  кинигэ быыстапкатыгар    уоттаах кыргыһыылар, тыылга үлэ, саллааттар дьылҕалара, оччотооҕу сэрии кэмин ыар сылларын  уус-уран тылынан кэпсиир айымньылары ааҕаргытыгар ыҥырабыт!