Алексей Андреевич Иванов – Күндэ (1898-1934 сс.) ураты суоллаах-иистээх, бэйэтин кэмигэр биллибит, биһирэппит, литература араас эйгэтигэр үлэлээбит талааннаах саха суруйааччыта Быйыл тохсунньу 16 күнүгэр төрөөбүтэ 125 сылын туолла. Күндэни сахалартан биир бастакы литературнай критик, общественнай диэйэтэл, сахалыы суругу-бичиги төрүттэспит, маҥнайгы учебниктары, букубаардары таһааттарбыт лингвист, «Кыым» хаһыаты төрүттэспит, сахалыы бэчээт олугун уурсубут суруналыыс быһыытынан билэбит. Бэйиэт уһулуччу күүстээх, дириҥ иэйиилээх, ааҕааччы кутун-сүрүн туппут айымньыларынан, төрөөбүт тыл сүдү күүһүн, үрдүк аналын, кэрэтин, төрөөбүт айылҕаҕа, ийэ дойдуга тапталы итэҕэтиилээхтик ойуулаан хаалларбыта. 

  Күндэ саха ааҕааччытын сүрэҕин иһинэн сайа охсон киирэр нарын-намчы тыллаах-өстөөх хоһоонноро «Төрөөбүт тыл», «Кэнэҕэски кэскил», «Кии сыта» уонна «Марба», «Доромоонноох», «Иэдээннээх баҕа», «Хаартыһыттар» диэн кэпсээннэрин аахпатах киһи суох буолуо. Суруйааччы уһулуччу күүстээх, дириҥ иэйиилээх, ааҕааччы кутун-сүрүн туппут айымньыларын Чурапчытааҕы киин библиотекаҕа кэлэн билсин, уларсан ааҕын, иллэн кэмҥитин туһалаахтык атаарын диэн ыҥырабыт. 

   Суруйааччы Олоҕун сырдатар кинигэлэр                      Айымньылара