XX үйэ саҥатыгар саха биллиилээх суруйааччыта, литературовед, поэт, прозаик, драматург, тылбаасчыт, литературный критик, лингвист-ученай,  публицист Алексей Андреевич Иванов-Күндэ быйыл  төрөөбүтэ 125 сааьын туолла. Кини тус бэйэтин  олоҕун туһунан кыһана сатаабатах, бары  күүһүн-күдэҕин  уонна бириэмэтин терөөбут сахатын норуотун  литературатын, культуратын өрө көтөхсөргө анаабыт киһи этэ. Күндэни  саха литературатын  төрүттэспит суруйааччы, республикабыт бэчээтин саҕалааччы, Кыым хаһыаты  олохтообут, айар литературнай  үлэнэн  дьарыктаммыт суруйааччы быһыытынан  норуот билэр уонна  умнубат, умнуо да суоҕа. Олунньу ыйга С.А.Новгородов аатынан орто оскуола  үрдүкү сүһүөх үөрэнээччилэригэр  “Суруйааччы, сырдатааччы, суруналыыс” — диэн литературнай уруоктар ыытылыннылар. Күндэ суруйан хаалларбыт кэпсээннэрин “Марба, Доромоонноох, Хаартыһыттар, Иэдээннээх баҕа” —  диэн кэпсээннэрин, “Төрөөбүт тыл, Кэнэҕэски кэскил” —  диэн хоһооннорун дорҕоонноохтук аахтылар, оонньуу нөҥүө ырытан кэпсэттилэр.Суруйааччы туһунан элбэҕи биллилэр.