От ыйын 31 күнүгэр Дьоккуускай куорат «Саха Тускула» общественнай түмсүү кыттыылаахтара «АЙЫЫ САНАА АЙАНА» бырайыак  туһунан билиһиннэрдилэр.

Сүрүн сыала төрөөбүт дойдунан сатыы хаамыы туох туһалааҕын, суолталааҕын билиһиннэрдилэр. Саха норуотун улуу дьоммут төрөөбүт-үөскээбит алаастарынан, ытык сирдэринэн хаампыттарын, тугу саҥаны билбиттэрин-көрбүттэрин кэпсээтилэр.Ол курдук Суорун Омоллоон тэрийбит аатырбыт Чөркөөхтөөҕү түмэлигэр, Былатыан Ойуунускай аатынанСудаарыстыбынас түмэлигэр, Кээрэкээн ойуун Тохтобул алааһыгар, Былатыан Ойуунускай Муҥха Дэлбэрийбит алааһыгар, Суорун Омоллоон Ойуун күөлэ алааһыгар, Өксөкүлээх Өлөксөй Амаадыйа алааһыгар, Анемподист Иванович Софронов алааһыгар, саха алфаавитын бастакы төрүттээччитэ Семен Новгородов алааһыгар сылдьыбыттар эбит.Ону таһынан түмсүү салайааччыта Александр Протодьяконов Олоҥхо ыһыаҕыттан сонуннарын ааҕааччыларга кэпсээтэ. Биир бастыҥ суруйааччыбыт, бөһүлүөк Алексей Елисеевич Кулаковскай Өймөкөөҥҥө туруорбут сэргэ тула ырытыһыы буолла. Биир сэргэтэ Арыылаах нэһилиэгэр Чурапчы улууһугар баарын ааҕааччылар сэргии иһиттилэр.