Улуустааҕы киин библиотека ааҕар саалатыгар Афанасий Дмитриевич Аммосов — Күндүл Маҥан 90 сааһын көрсө кинигэ быыстапката туруорулунна.Афанасий Дмитриевич Аммосов — Күндүл Маҥан Чурапчы улууһун Хоту көһөрүү кыттыылааҕа, ССРС уонна Саха Өрөспүүбүлүкэтин култууратын туйгуна, үлэ, тыыл, сцена бэтэрээнэ, Үөһээ Бүлүү Үөдэйин, Чурапчы улууһун, Хоптоҕотун Бочуоттаах олохтооҕо, саха бастакы балерината А.В. Посельская аатынан бириэмийэ стипендиата, “Өрөспүүбүлүкэ бочуоттаах бэтэрээнэ” бэлиэ хаһаайына, салайааччы, артыыс, ырыаһыт-алгысчыт, сахалыы отоһут, суруналыыс, хоһоонньут.Быыстапканы сэҥээрэн көрөргүтүгэр ыҥырабыт.

Олоҕун сырдатар кинигэлэр

Айымньылара

Афанасий Дмитриевич! Дьоҥҥор сэргэҕэр үтүөнэн дьайа, сырдыгынан сылааһынан сыдьаайа сылдьарын курдук өрүүтүн үтүөнү-кэрэни, үйэлээҕи элбэтэ, ил-эйэни тарҕата тур! Чэгиэн-чэбдик сырыт! Уһун үйэлэн!