Аҕам саастаах дьон Аан дойдутааҕы күнэ аҕа көлүөнэ дьонугар ытыктабыл,  күннэтэ ахсаабат болҕомто, истиҥ кыһамньыны уурарбытын санатар ытык күн буолар.Бу ураты суолталаах күнү көрсө,  балаҕан ыйын 30 күнүгэр киин библиотека ааҕар саалатыгар “Истиҥ сэһэргэһии” диэн көрсүһүү буолан ааста.Улуустааҕы кииннэммит библиотечнай ситим директора В.А.Платонова,  “Чурапчы нэһилиэгэ» МТ дьаһалтатын бэтэрээннэри кытта үлэлиир специалист М.П.Матвеева истиҥник эҕэрдэлээтилэр.«Айылгы» НАДь үлэһитэ Алесь Максимов музыкальнай эҕэрдэтин тиэртэ.Кэлбит ыалдьыттарга суруйааччы Феоктист Софронов төрөөбүтэ 100 сылыгар аналлаах кинигэ быыстапкатын ону сэргэ фондаҕа киирбит саҥа кинигэлэри библиотека үлэһиттэрэ көрдөрдүлэр, билиһиннэрдилэр. Пенсионнай пуонда Чурапчытааҕы салаатын салайааччыта В.С.Христофорова, Социальнай харалта специалиһа А.В.Васильева, “Чурапчы нэһилиэгэ”  МТ дьаһалтатын юриһа И.М.Пинигин, Дьиэ кэргэҥҥэ уонна ыччакка өйөбүл буолар киинин уйулҕа үөрэхтээхтэрэ В.М.Борисова, Д.А.Рожина туһааннаах ыйытыыларга хоруйдаатылар, сүбэ-ама биэрдилэр.Чэгиэн-чэбдик сылдьарга М.П.Баяҕантаева  эрчиллиилэри көрдөрдө. Эмтээх үүнээйи араастарын,  туохха туһалааҕын В.Е.Маркова кэпсээтэ.Кэлбит дьон остуол тула олорон сүрэхтэн сүппэт ыарыалары ыллаан, ирэ-хоро кэпсэтэн, сэһэргэһэн, сөптөөх хоруйдарын ылан, астынан тарҕастылар.