Телефон: +7 (411-51)42-713
Республика Саха (Якутия), Чурапчинский район, с.Чурапча
ул. Ярославского 18 Режим работы пн-сб: с 9:00 до 18:00
30.09.2015

Поэты үйэтитэр үтүө дьаһал

30.09.2015

 

   Балаҕан  ыйын   30  күнүгэр «Айылгы» киинигэр Россия суруйааччыларын, суруналыыстарын  сойууһун чилиэнэ, Чакыр, Чурапчы нэһилиэктэрин,  Чурапчы улууһун Бочуоттаах гражданина,  поэт  С.Р.Данилов – Роман  Данилов төрөөбүтэ  80 сылыгар  аналлаах  литературнай биэчэр  ыытылынна. Кыттыыны ыллылар: улуус, нэһилиэк дьаһалталара, суруйааччылар  Н.Винокуров –Урсун, П.Федоров – Сомоҕо, поэт  бииргэ  төрөөбүт  балта  Розалия  Дунаева, күтүөтэ Александр Дунаев, кэргэнэ Ирина  Карпова, редакцияҕа  бииргэ  үлэлээбит  үөлээннээхтэрэ С.Н.Чичигинаров, П.М.Массаев.

   Семен  Романович  олоҕун, айар үлэтин  туһунан кииннэммит  библиотечнай  ситим  директора В.А.Платонова  сиһилии  билиһиннэрдэ. Поэт араас кэмнэргэ түспүт хаартыскалара көрдөрүүгэ туруорулуннулар, экраҥҥа бэйэтин илиитинэн  суруйбут страницалара көрдөрүлүннүлэр.

  Семен  Романович барыта  16  кинигэ  автора. Дьон-сэргэ сөбүлээн,  биһирээн  ааҕар лирик поэта. Хас да  айымньыта ырыа  буолан  ылланар. Бу дьаһалга поэт хоһооннорун ыччаттар,  библиотека  үлэһиттэрэ ааҕан  иһитиннэрдилэр,  мелодист А.Дунаев хас да ырыатын  ыллаата

    Добавить комментарий
    Введите код с картинки
    Необходимо согласие на обработку персональных данных