Телефон: +7 (411-51)42-713
Республика Саха (Якутия), Чурапчинский район, с.Чурапча
ул. Ярославского 18 Режим работы пн-сб: с 9:00 до 18:00
14.12.2015

“Мэлдьитин ыҥырар саҕахтар”

14.12.2015

 

       Быйыл Россияҕа Литература сыла биллэриллибит кэрэ-бэлиэ кэмигэр П.П.Федоров – Сомоҕо, Россия суруйааччыларын уонна суруналыыстарын союһун чилиэнэ, СР культуратын үтүөлээх үлэһитэ, СР культуратын туйгуна,  Хоптоҕо нэһилиэгин Бочуоттаах олохтооҕо, прозаик, журналист, 65 сааһын туолла.

     “Мэлдьитин ыҥырар саҕахтар” диэн хомуурунньукка айар үлэтин көрдөрөр ыстатыйалар, интервьюлар, анаарыылар киирдилэр. Бу кинигэни Чурапчытааҕы кииннэммит библиотечнай ситим көҕүлээн таһаартарда. Библиотекарь Е.Н.Макарова хомуйан оҥордо. Улууспут  “Саҥа олох” РИХ-гэр бу күннэргэ бэчээттэнэн таҕыста.

     Маны тэҥэ өссө биир сабыс саҥа  “Түүҥҥү куорат”диэн кинигэтэ “Бичик” НКК “Билиҥҥи кэм прозата” диэн 2006 с-тан олохтоммут сериянан бэчээттэнэн таҕыста. Манна “Түүҥҥү куорат”,  “Олоххо тардыһыы” диэн сэһэннэрэ киирбиттэр.

     Суруйааччы үбүлүөйүгэр аналлаах литературнай биэчэр төрөөбүт улууһугар Чурапчы киинигэр киэҥ общественность кыттыылаах үрдүк таһымҥа тэрилиннэ. Манна кыттыыны ыллылар улуус дьаһалтата, суруйааччылар Сэмэн Тумат, Урсун,  “Бичик” НКК директора Егоров А.В., кылаабынай редактора Луковцев В.Н. ону тэҥэ эдэр суруйааччылар Яна Байгожаева, Зинаида Попова, Гаврил Андросов.

    Добавить комментарий
    Введите код с картинки
    Необходимо согласие на обработку персональных данных